അത്ത ചമയം :
ഓണം ആഘോഷ ചടങ്ങുകളുടെ സ്മരണ പുതുക്കുന്ന ഒന്നാണ് അത്ത ചമയം. ശക്തന്‍ തമ്പുരാന്‍ ആണ് ഇതിന്റെ സംവിധായകന്‍. കേരളത്തിലെ രാജാക്കന്മാര്‍ തൃക്കാകരയില്‍ ചെന്ന് മഹാബലിയെ വന്ദിചിരുന്നതിന്റെ ഓര്‍മ്മയ്ക്കായി ആണ് കൊച്ചി രാജാക്കന്മാര്‍ അത്ത ചമയം നടത്തിയിരുന്നത് . പെരുമാളിന്റെത് എന്ന് വിശേഷിപ്പിക്കുന്ന കിരീടം മടിയില്‍ വെച്ച് കൊണ്ടാണ് കൊച്ചി രാജാവ്‌ ഘോഷ യാത്ര നയിക്കുന്നത്. അത്ത ചമയത്തിനായി കൊച്ചി രാജാവ്‌ ചമഞ്ഞൊരുങ്ങി പുറപ്പെടനമെങ്കില്‍ നെട്ടൂര്‍ തങ്ങളും കരിങ്ങാ ചിറ കത്തനാരും ചെമ്പില്‍ അരയനും കൊട്ടാര വാതില്‍ക്കല്‍ നില്‍ക്കണമെന്ന് വ്യവസ്ഥയുണ്ട്. മുന്നില്‍ ദാസിയാട്ടത്തിന്റെ അകമ്പടിയോടെയുള്ള ഘോഷ യാത്ര കൊട്ടക്കകത്തു നിന്നും ദുരെ എത്തുമ്പോള്‍ ഒരു ബ്രാഹ്മണ ദൂതന്‍ വന്നു " ഇക്കുറി തൃക്കാകരെ ഉത്സവം ഇല്ല , പെരുംപടപ്പിനു മടങ്ങി പോകാം " എന്ന് അറിയിക്കും . അപ്പോള്‍ തൃക്കകരയിലേക്ക് നോക്കി വാമന മൂര്‍ത്തിയെ തൊഴുതു രാജാവ്‌ കൊട്ടും കുരവയുമില്ലാതെ തിരിച്ചു എഴുന്നള്ളുന്നു . പഞ്ഞം നീക്കാന്‍ പ്രജകള്‍ക്കു ഓരോ പണം സമ്മാനിക്കുകയും ചെയ്യുന്നു. പെരുംപടപ്പും സാമൂതിരിയും തമ്മിലുള്ള വൈരം ഓണത്തിന് മുമ്പ് തീരണം എന്ന തീരുമാനത്തിന്റെ സ്മാരകമായും അത്ത ചമയതെ കാണാവുന്നതാണ്‌.
